Unha manda de pezas para Isaac

Caricatura de Isaac Díaz Pardo por Álvaro Cebreiro (ligazón: Luscofusco_GZ ) Xa van 151 entradas neste blogue co obxecto de conmemorar o centenario do nacemento de Isaac Díaz Pardo. Centos de persoas fixéronnos chegar os seus textos, obras, imaxes... para poder celebrar, comunitariamente, acontecemento tan importante.  Desta volta, José-Martinho Montero Santalha entrega como alfaia e homenaxe a Isaac un soneto con acróstico, mais para quen non coñeza ao autor cicelamos aquí un chisquiño na súa biografía. Montero, logo de pasar polo seminario mindoniense, estuda teoloxía en Roma, cidade na que colabora cun grupo humano denominado "Os Irmandiños". Nel intégranse aquelas persoas relixiosas que buscan que a nosa lingua propia sexa recuperada como vernácula no eido da Igrexa. É un dos asinantes do Manifesto para a supervivência da cultura galega , lazado en 1974, ano no que regresa a Galiza.  O autor ten publicado obras poéticas e ensaísticas, fundamentalmente, e foi fundador de ...

Profesor xubilado, escritor e padroeiro da Fundación Penzol é o benquerido Silvestre Gómez  Xurxo . Foi el unha persoa intimamente relacionada coa editoral SEPT (Sociedade de Estudos, Publicacións e Traballos), a mesma que quixo verter a Biblia ao galego, porque quizais xa non era hora sen tempo que -para as persoas crentes- a palabra de Xesús Cristo tamén se puidese ouvir e ler na nosa lingua vernácula, e non só en castelán (outrora fora exclusivamente no latín). Escribiu, por exemplo, as Conversas do Pai Seixas con Silvestre G. Xurxo e é un dos autores d' O Novo Testamento para xente nova .  Alén diso, ao chamo do Alento Esbravexo, escoita a palabra de Isaac á que responde cunha fermosa e acaída manda. Previamente, xustifícaa deste xeito: " É de xustiza que fagamos por manter viva a memoria de Isaac, cando el tanto fixo coa súa arte, cos seus proxectos industriais e coas súas publicacións por manter a de todo o pobo. Ademais, facendo memoria de Isaac, facémola de cada ...

Hai quen noutro tempo enchía cadernos e máis cadernos con frases, ideas e poemas... E todas esas palabras, tal tesouro, fechábanse baixo chave, para conservalas e telas preto (non fosen voar coma as curuxas pola noite!). De crianza, as memorias do íntimo quedaban en segredo, mais co tempo -verbalizadas en poesía- comezaron a fluír cara ao exterior. Cumpría acaso conquistar as terras de xalundes. Era o ano 2016 e, na Coruña, gañara un certame de poesía convocado pola Biblioteca Pública Miguel González Garcés. A partir dese momento a palabra tamén se fixo impresa, polo que As mans da terra ven a luz dende a editora Toxosoutos. Todo iso acontécelle a unha meniña desexosa de ler e reter entre os ollos e entre as mans as páxinas dos libros que, axiña, lle van pasando pola raia do horizonte. O seu nome: Laura Rey Pasandín, escritora e integradora social... que ben sabe que existen moitos mundos alén das fiestras da casa.  Ela, a escritora, tráenos hoxe a súa manda para Isaac, adobiada d...

Pois abofé que si... En certo xeito é ben complicado clasificarmos as mandas en base a contidos, datas de entrega, compatibilidades de xénero, temáticas, xeografías das que proceden estes agasallos, grupos humanos que facilitan unha peza conxunta... Mais, agardamos que as persoas colaboradoras saiban desculpar estas "máculas" no medio da porcelana familiar. Do que non hai dúbida é do agarimo co que as persoas colaboradoras ganduxan ou erguen as súas mandas, algunhas profundas dende o razonamento filosófico -e incluso matemático-, outras sinxelas dende o día a día, dende o cotiá, o que habita nos mundos persoais de cadaquén. Desta volta, chegou a quenda de Antom Labranha, un profesor de ensino secundario e doutor en matemáticas, que foi quen de sintetizar seis pezas de Sargadelos dende aspectos xeométricos e dende o universo dos números, ese infinito que nos liga coma un umbilical ao eterno, ás proporcións (aureas), a Fibonacci, ao número Pi e a aspectos que teñen que ver coa ...

Realmente algunhas persoas que constituímos o Alento Esbravexo somos verdadeiros fanáticos das veladuras que Eduardo (Pérez) Baamonde elabora nas súas acuarelas... Marabillosas son esas paisaxes de casas flotantes, apelmazadas como nas favelas de São Paulo... fermosísimas na súa concepción artística, pero totalmente críticas na mensaxe: cómpre mudar de rumbo! Cómpre construírmos realidades substentábeis e espazos para un progreso que xere riqueza non só para uns, senón para a maioría, e non -abofé- a calquera prezo.  Quizais -mais ben seguro- ese foi o soño de Isaac Díaz Pardo, de Luís Seoane e doutras persoas que ergueron dende o Laboratorio de Formas (1963) un cúmulo de realidades artísticas e culturais que deron prestixio a un país chamado Galiza.  Por iso Eduardo P. Baamonde, mestre co pincel e a palabra, de currículo extenso e asombrosas calidades, elabora en acrílico sobre táboa un retrato de Isaac Díaz Pardo. Pois a el tamén quere render homenaxe dende o mar da Arousa,...

Marabillosas son as obras de Patricia González Iglesias, creadora que forma parte do Obradoiro de Costura Saiáns. Segundo as súas propias verbas: " no obradoiro préstanos coser País, todo o que facemos recende a Galiza. Inspirámonos no noso e cosemos o noso (a tradición, a lingua, a cultura) ".  Tapabocas (obra de Patricia González) E abofé que así asemella, pois se fermosas son as pezas que nos entrega para celebrar o centenario de Isaac Díaz Pardo, igual de acaídas e fantásticas son as súas palabras.  A autora continúa co seu relato vital deste xeito: " O meu pai é fillo de emigrantes na Arxentina e volveu para Galiza de mozo, pero a súa familia segue na Patagonia e sempre que a visitamos ou nos visitan agasallámoslles Sargadelos, para que leven un anaco de Galiza. Por isto decidín participar nesta iniciativa, porque Isaac Díaz Pardo é un figura imprescindible da nosa cultura e creou unha marca de cerámica que onde vai representa a Galiza ". Detalle da camiseta (o...

Peza de Che Tembra Polo San Lourenzo de 2010 remátase este par de pezas escultóricas traballadas polo artista rianxeiro Che Tembra. Ambas están elaboradas en ferro e madeira, mais a que se realizou en salgueiro ten unhas dimensións de 67 por 63 centímentros en longo e alto, respectivamente, e lembra abofé a aquelas maternidades que Isaac Díaz Pardo deseña en varias ocasións.  Obras de Isaac Díaz Pardo Segundo o autor: " quixen facer estas pezas baseándome nas de Díaz Pardo, porque me atrae a súa creatividade e a súa loita por Galiza, igual que a de Castelao ". A outra obra, coas mesmas influencias plásticas e con soporte de madeira de castiñeiro, mide 30 por 50 centímetros de longo e alto. Che Tembra indica que leva un texto que reza así: " Non lle poñades atrancos ao neno mentres está medrando ".  Tal afirmación fíxoo caer na conta daqueloutras palabras que escribira un seu conterráneo, Afonso Daniel Rodríguez Castelao, para o Album Nós (1931). O autor de Sempre en...