A Asociación Galega de Educación para a Saúde e Isaac Díaz Pardo

Chega unha mensaxe que recende a mar e a saúde. Esta di, que dá moito que pensar dende os interliñados até a propia cerna das palabras, versa así:

"Nunca valoraremos o suficiente o valor que os encontros coa xente que queremos teñen sobre a nosa saúde.

Querer e compartir é saúde. 

E Isaac facía realidade isto de compartir con afecto. 

Queremos botar unha ollada sobre esta realidade dende as súas obras pensadas para unha charla tranquila..."

O remite procede da Universidade de Vigo. Resulta ser a Asociación Galega de Educación para a Saúde.

E si, ben certo é que Isaac, co seu coñecemento e coa súa palabra, detonaba o resorte da tranquilidade, da atención e estarmos curiosos perante o que achega. Porque en certo xeito, ambos aspectos fomentan a ledicia e, por extensión, a saúde. Este colectivo ben coñece que nisto radica o benestar das persoas, en rodearse de cousas que estimulen as emocións positivas... Como realmente así estimula e emociona a imaxe coa que este colectivo rende homenaxe a Isaac Díaz Pardo.

Beizóns, saúde e moita arte (da palabra e da cor)!