A MANDA DE DANIEL SANTOS: UNHA VISIÓN FUTURISTA DE ISAAC

Isaac mozo
(autor: Daniel Santos Vila)
Desde Queiruga (Porto do Son) mándanos dúas pezas o mozo Daniel Santos Vila. Estuda Ilustración na Escola Pablo Picasso da Coruña e, en palabras del, “considérome esencialmente autodidacta”. Compaxina traballos de ilustración, murais, deseño de discos para grupos de música... Comenta que decidiu colaborar neste proxecto porque “me parece moi necesario render homenaxe e non esquecer o valor histórico e artístico de xente coma Isaac. Calquera iniciativa para recordar as nosas figuras galegas nunca está de máis”.

Son dúas obras que este autor entrega por mor desta iniciativa:

“(...) a primeira representa un Isaac mozo rodeado das súas futuras creacións, pinturas e arte”.

Coa segunda imaxinou a cuberta da “única novela de ciencia ficción escrita por Isaac, a historia de como creou o primeiro robot galego con estrutura cerámica”. Para el, tanto Isaac coma Rosalía, Castelao, María Pita entre outros, ademais de ser grandes figuras históricas e artísticas, tamén son as nosas grandes iconas pop galegas. 

As dúas ilustracións son debuxo tradicional, tratado e coloreado despois en photoshop, sen renunciar ao emprego da técnica do colaxe.

Cuberta da hipotética novela de ficción
escrita por Isaac (autor: Daniel Santos Vila)


Comentarios

  1. Pilar Sampedro24 de agosto de 2020, 02:54

    Dúas visións de Díaz Pardo, ben diferentes pero igual de interesantes.
    A primeira máis “clásica”, do pintor rodeado por algunha das súas obras, pero tamén por pratos e deseños que representan a louza de Sargadelos; toda a obra xogando cos azuis e facendo que destaque o azul cobalto característico.
    A segunda “delirio pulp desenfadado” en palabras do autor, recolle a estética deses materiais de papel feito cos restos da pulpa de madeira que daban esa imaxe de produto barato; esta peza leva a imaxe do Isaac dos últimos días nun fondo rosado e sobre el os azuis que conteñen a marca daquelas revistas ou libros pulp a modo de cuberta na que aparece autor (Isaac Díaz Pardo), o título (SARGABOT-GZ MAIS EU) e a imaxe dun superheroe vestido a modo de louza que carga toda a simboloxía de Sargadelos. Un superheroe fráxil, vulnerable, pero potente porque del saen ondas expansivas que poden nacer do cerebro e dos ollos.
    Grandes aventuras nos agardan da man de Daniel Santos. Cómpre estar atent@s á súa carreira!

    ResponderEliminar

Publicar un comentario

Publicacións populares deste blog

Por ti, Isaac, volveriámolo facer!

Imaxe
Poñerse diante do teclado do ordenador para escribir algo que non queriamos facer, xusto hoxe, íase demorando instante tras instante, co morder das unllas, o trabar dos dentes e unha barra espaciadora que só escribía silencios en liña. É abondo complicado poñer o fecho a un proxecto que, agora mesmo, lanzamos hai 10 meses. O 7 de xullo de 2020 abríase a porta deste forno de ideas, aínda que tres meses antes -e a lume maino, coas mans do país entregando esforzo- xa se estivera a quecer o fogar.  O día 9 faciamos un chamamento público a participar neste proxecto, no gustamos de recibir centos de colaboracións (hoxe suman 263) elaboradas por ducias e ducias de particulares (sociedade consciente, civil e activa), artistas plásticos e persoas do mundo da escrita. Polo que nese xullo, incluso antes de conmemorar o centario do nacemento de Isaac, saía a nosa primeira fornada, dende un blogue sinxelo, que ao longo de máis de corenta semanas espallou afectos, ideas fugantes e pezas marabill...
Ler máis

Xoán Andrade, Isaac Díaz Pardo e o Laboratorio de Formas

Imaxe
Laboratorio de Formas  (Xoán Manuel Andrade) As súas publicacións téñense visto nun bo número de xornais e semanarios, como aquela emblemática A Nosa Terra . Porén, na actualidade o seu humor gráfico tamén se ten lanzado dende cabeceiras como Sermos Galiza , Nós Diario e La Región , sen excluír a CIG-Ensino . Amais diso, algúns materiais de tipo pedagóxico e educativo vén a luz en varios medios. Este é, a grandes trazos, o quefacer habitual de Xoán Manuel Andrade Vidal, pero este labor artístico no exclúe a súa profesión docente e que se mergulle de cando en vez na investigación rigorosa. Queremos lembrar, entre outros estudos, aquel no que aborda a historia do coñecido Globo de Bentanzos dende a perspectiva do humor gráfico (publicado no Anuario Brigantino ). E aínda que ilustrou algún deses globos de papel, tamén quere entregarnos o seu tributo-homenaxe a Isaac Díaz Pardo. Comenta Xoán Andrade que a caricatura que nos presenta comezouna cun bocexo en papel e que, logo de tela ac...
Ler máis

Ana de Vilatuxe, Isaac e a tecelá de soños

Imaxe
Véxote... (peza de Ana de Vilatuxe) Das terras de Lalín vén a manda de hoxe, unha manda elaborada por unha das compoñentes do Alento Esbravexo, de aí que o que se poida dicir dela sempre vai saber a pouco. Chámase Ana Iglesias Otero, mais para todo o mundo é Ana de Vilatuxe: nas súas costas gusta de levar o estandarte das orixes e da palabra versificada en celeste. Véxote...   (peza de Ana de Vilatuxe) Ana é unha persoa arteira e artista, pois tanto lle dá á costura coma á creatividade téxtil, tanto lle dá á recompilación de expresións tipicamente galegas como a redactar textos marabillosos coma este que acompaña á súa obra. Digamos que entre outras afeccións está a de ser "coleccionista de palabras". Día tras día, e coma unha verdadeira Penélope, ía tecendo ideas para homenaxear a Isaac. Logo volvía destecelas e de novo ganduxaba outra. Creaba e derrubaba as súas pezas nunha catarse creativa, cíclica, en ziczac, como cando se pican as lapelas das chaquetas de bo xenero ou d...
Ler máis