Patricia González Iglesias homenaxea a Isaac Díaz Pardo


Marabillosas son as obras de Patricia González Iglesias, creadora que forma parte do Obradoiro de Costura Saiáns. Segundo as súas propias verbas: "no obradoiro préstanos coser País, todo o que facemos recende a Galiza. Inspirámonos no noso e cosemos o noso (a tradición, a lingua, a cultura)". 

Tapabocas
(obra de Patricia González)
E abofé que así asemella, pois se fermosas son as pezas que nos entrega para celebrar o centenario de Isaac Díaz Pardo, igual de acaídas e fantásticas son as súas palabras. 

A autora continúa co seu relato vital deste xeito: "O meu pai é fillo de emigrantes na Arxentina e volveu para Galiza de mozo, pero a súa familia segue na Patagonia e sempre que a visitamos ou nos visitan agasallámoslles Sargadelos, para que leven un anaco de Galiza. Por isto decidín participar nesta iniciativa, porque Isaac Díaz Pardo é un figura imprescindible da nosa cultura e creou unha marca de cerámica que onde vai representa a Galiza".

Detalle da camiseta
(obra de Patricia González)
Dúas son as pezas que Patricia González entrega ao Alento Esbravexo: unha camiseta inspirada nun mantelo, aberta por detrás e con ribete de veludo, que se acompaña cun tapabocas. "Ambas as dúas pezas están bordadas con motivos semellantes aos dunha vaixela (...) e coa imaxe de Isaac Díaz Pardo".

O debuxo do prato é similar, asemade, ao motivo principal "da vaixela que ten a miña familia", comenta a artista. Ao que engade que esa cerámica mercou co seu primieiro soldo: "Esta vaixela vai ligada ás datas máis importantes e celebracións dos meus. Estas pezas queren ser a nosa homenaxe a Isaac Díaz Pardo".

E fermosa homenaxe a que lle rende Patricia, fermosas reflexións e palabras que lle dedica ao mestre... Por iso, a nós só nos resta transmitirlle un Atlántico de grazas e un océano saúde que nos conecte, incluso, coa Patagonia!!!

Tapabocas (obra de Patricia González)

Camiseta (obra de Patricia González Iglesias)





Comentarios

Publicar un comentario

Publicacións populares deste blog

Por ti, Isaac, volveriámolo facer!

Imaxe
Poñerse diante do teclado do ordenador para escribir algo que non queriamos facer, xusto hoxe, íase demorando instante tras instante, co morder das unllas, o trabar dos dentes e unha barra espaciadora que só escribía silencios en liña. É abondo complicado poñer o fecho a un proxecto que, agora mesmo, lanzamos hai 10 meses. O 7 de xullo de 2020 abríase a porta deste forno de ideas, aínda que tres meses antes -e a lume maino, coas mans do país entregando esforzo- xa se estivera a quecer o fogar.  O día 9 faciamos un chamamento público a participar neste proxecto, no gustamos de recibir centos de colaboracións (hoxe suman 263) elaboradas por ducias e ducias de particulares (sociedade consciente, civil e activa), artistas plásticos e persoas do mundo da escrita. Polo que nese xullo, incluso antes de conmemorar o centario do nacemento de Isaac, saía a nosa primeira fornada, dende un blogue sinxelo, que ao longo de máis de corenta semanas espallou afectos, ideas fugantes e pezas marabill...
Ler máis

Xoán Andrade, Isaac Díaz Pardo e o Laboratorio de Formas

Imaxe
Laboratorio de Formas  (Xoán Manuel Andrade) As súas publicacións téñense visto nun bo número de xornais e semanarios, como aquela emblemática A Nosa Terra . Porén, na actualidade o seu humor gráfico tamén se ten lanzado dende cabeceiras como Sermos Galiza , Nós Diario e La Región , sen excluír a CIG-Ensino . Amais diso, algúns materiais de tipo pedagóxico e educativo vén a luz en varios medios. Este é, a grandes trazos, o quefacer habitual de Xoán Manuel Andrade Vidal, pero este labor artístico no exclúe a súa profesión docente e que se mergulle de cando en vez na investigación rigorosa. Queremos lembrar, entre outros estudos, aquel no que aborda a historia do coñecido Globo de Bentanzos dende a perspectiva do humor gráfico (publicado no Anuario Brigantino ). E aínda que ilustrou algún deses globos de papel, tamén quere entregarnos o seu tributo-homenaxe a Isaac Díaz Pardo. Comenta Xoán Andrade que a caricatura que nos presenta comezouna cun bocexo en papel e que, logo de tela ac...
Ler máis

Ana de Vilatuxe, Isaac e a tecelá de soños

Imaxe
Véxote... (peza de Ana de Vilatuxe) Das terras de Lalín vén a manda de hoxe, unha manda elaborada por unha das compoñentes do Alento Esbravexo, de aí que o que se poida dicir dela sempre vai saber a pouco. Chámase Ana Iglesias Otero, mais para todo o mundo é Ana de Vilatuxe: nas súas costas gusta de levar o estandarte das orixes e da palabra versificada en celeste. Véxote...   (peza de Ana de Vilatuxe) Ana é unha persoa arteira e artista, pois tanto lle dá á costura coma á creatividade téxtil, tanto lle dá á recompilación de expresións tipicamente galegas como a redactar textos marabillosos coma este que acompaña á súa obra. Digamos que entre outras afeccións está a de ser "coleccionista de palabras". Día tras día, e coma unha verdadeira Penélope, ía tecendo ideas para homenaxear a Isaac. Logo volvía destecelas e de novo ganduxaba outra. Creaba e derrubaba as súas pezas nunha catarse creativa, cíclica, en ziczac, como cando se pican as lapelas das chaquetas de bo xenero ou d...
Ler máis