De Luís Caruncho a Isaac Díaz Pardo (corazón que nunca para)

 Luís Carucho é un deses artistas, músicos, cantautor e regueifeiro que nos enche de ledicia coas súas composicións, que nos enche de vida porque os seus sentimentos vitalistas fanse notar e transmitir ao pobo. Iso non colide con que por veces, bastantes veces, poida ser crítico e contundente. 

Gustamos da súa palabra, do seu saber estar para a cultura do país e saber entregar o seu tempo para recordar a persoas coma Isaac Díaz Pardo. E así o fixo nesta ocasión, provisto de zanfona e verbo para cantar a ese "corazón que nunca para".

A letra da peza coa que agasalla a Isaac, pero tamén a todas/os nós, di así:

"Un galego universal

da cultura foi alento

impulsor de novas formas

e pintor de sentimientos.

---

Escritor e rotulista

corazón que nunca para

testemuña de noutrora

coas irmandades da fala.

--

Cunha vida dura ás costas

sufridor da represión

traballache ben arreo

sementando ilusións.

---

Podendo vivir de artista

fíxose aventureiro

travesías de cultura

que disfruta o mundo enteiro.

---

Hoxe o pobo dache as grazas

cunha manda de alegrías

do legado que deixache

cheo de sabiduría

---

Isaac Díaz Pardo

Que grande a túa historia!

Ti sempre has estar

na nosa memoria".

Luís Caruncho