A manda do Grupo Galos para Isaac Díaz Pardo

Pomba a Isaac Díaz Pardo
(Grupo Galos)
Dentro das empresas cerámicas recoñecidas pola súa ligazón coa terra galega está o grupo Galos. As súas pezas reproducen os nosos costumes populares, as nosas xentes, incluso as nosas crenzas e lugares. Cheas de colorido son todas elas; cheas de simbolismo, boa parte... Pero na totalidade elabóranse co material que sae da terra, feitas con motivos da Nosa Terra e distinadas a todas aquelas persoas que, de non ser deste noso recuncho do mundo, si sabe amalo. 

Testemuño dese amor é a peza que o grupo Galos elabora para conmemorar o aniversario do nacemento de Isaac Díaz Pardo: unha pomba da paz. 

Os responsábeis desta creación indícano deste xeito: "En homenaxe a Isaac Díaz Pardo creamos esta figura de porcelana, representativa da paz, amor e liberdade, conceptos que ao longo da traxectoria creativa e industrial deste gran artista sempre foron plasmados na súa obra".

Comentarios

  1. Pilar Sampedro23 de setembro de 2020, 04:35

    Grazas a Galos, Regal e Cerámica da Ulla por recoñecer a orixe, ese traballo de Isaac que abriu as portas a outras empresas máis grandes ou máis pequenas.
    Seguir esa estela de creatividade propia de Galicia, utilizar a nosa lingua envolvendo os produtos é o que realmente engade valor e non ir buscar fóra o que nos sobra na casa.
    Grazas!!!!

    ResponderEliminar

Publicar un comentario

Publicacións populares deste blog

Por ti, Isaac, volveriámolo facer!

Imaxe
Poñerse diante do teclado do ordenador para escribir algo que non queriamos facer, xusto hoxe, íase demorando instante tras instante, co morder das unllas, o trabar dos dentes e unha barra espaciadora que só escribía silencios en liña. É abondo complicado poñer o fecho a un proxecto que, agora mesmo, lanzamos hai 10 meses. O 7 de xullo de 2020 abríase a porta deste forno de ideas, aínda que tres meses antes -e a lume maino, coas mans do país entregando esforzo- xa se estivera a quecer o fogar.  O día 9 faciamos un chamamento público a participar neste proxecto, no gustamos de recibir centos de colaboracións (hoxe suman 263) elaboradas por ducias e ducias de particulares (sociedade consciente, civil e activa), artistas plásticos e persoas do mundo da escrita. Polo que nese xullo, incluso antes de conmemorar o centario do nacemento de Isaac, saía a nosa primeira fornada, dende un blogue sinxelo, que ao longo de máis de corenta semanas espallou afectos, ideas fugantes e pezas marabillosas
Ler máis

UNHA MANDA DE ANTONIO QUESADA RODRÍGUEZ PARA ISAAC DÍAZ PARDO

Imaxe
Antonio Quesada Rodríguez , alén de médico, é artista plástico e músico. Para conmemorar o centenario do nacemento de Isaac Díaz Pardo compuxo esta marabillosa peza musical titulada Canción de Espertar . A este respeto, o autor achega a seguinte reflexión: " Como unha canción de espertar que nunha mañá de choiva alegra os oídos de orfos e vellos, de pobres e enfermos, de viúvas ou viúvos ou daqueles que sofren a soidade ou o desamor; así, ti, Isaac... alegras co teu talento os corazóns, pois coa túa arte lograches socializar a creatividade ". Seguramente que vos ha gustar tanto coma a nós. Velaquí fica o enlace para que o vexades.
Ler máis

Ana de Vilatuxe, Isaac e a tecelá de soños

Imaxe
Véxote... (peza de Ana de Vilatuxe) Das terras de Lalín vén a manda de hoxe, unha manda elaborada por unha das compoñentes do Alento Esbravexo, de aí que o que se poida dicir dela sempre vai saber a pouco. Chámase Ana Iglesias Otero, mais para todo o mundo é Ana de Vilatuxe: nas súas costas gusta de levar o estandarte das orixes e da palabra versificada en celeste. Véxote...   (peza de Ana de Vilatuxe) Ana é unha persoa arteira e artista, pois tanto lle dá á costura coma á creatividade téxtil, tanto lle dá á recompilación de expresións tipicamente galegas como a redactar textos marabillosos coma este que acompaña á súa obra. Digamos que entre outras afeccións está a de ser "coleccionista de palabras". Día tras día, e coma unha verdadeira Penélope, ía tecendo ideas para homenaxear a Isaac. Logo volvía destecelas e de novo ganduxaba outra. Creaba e derrubaba as súas pezas nunha catarse creativa, cíclica, en ziczac, como cando se pican as lapelas das chaquetas de bo xenero ou d
Ler máis