COA MANDA BALDO RAMOS PARA ISAAC DÍAZ PARDO
Morre o paxaro no aire (autor: Baldo Ramos) |
Dentro do panorama cultural galego, Baldo Ramos destaca por ser un autor polifacético que tanto aborda a pintura como a escrita, pero dende unha liña experimental. Velaí que procure que sexan visíbeis as interferencias entre a literatura e a plástica. É autor de diversas obras poéticas, mais dentro do eido da ilustración realiza estampas para libros de diversas escritoras e escritores galegos.
Neste ano 2020 elabora a obra que aquí se reproduce e so pretexto de conmemorar o centenario de Isaac Díaz Pardo. Morre o paxaro no aire é o título desta tinta sobre papel que, no seu orixinal, ten unhas dimensións de 80 X 100 cm (en ancho e alto, respectivamente).
Ao respecto da composición, o autor sinala:
"Esta peza quere dialogar co incansable traballo de
editor que Isaac Díaz Pardo levou a cabo ao longo de toda a súa vida
profesional. O vermello nos libros de todos os editores de vangarda, entre os
que hai que situar o fundador das Edicións do Castro, foi sempre un distintivo que pretendo evocar
neste libro de exemplar único".
Unha imaxe fermosísima e un texto tan ben acaido... que dá verdadeiro gusto. Mil grazas
ResponderEliminar